NCIE

ՆՈՐԱՄՈՒԾՈՒԹՅԱՆ ԵՎ ՁԵՌՆԵՐԵՑՈՒԹՅԱՆ
ԱԶԳԱՅԻՆ ԿԵՆՏՐՈՆ

ՆՈՐԱՐԱՐՈՒԹՅԱՆ ԵՎ ՁԵՌՆԵՐԵՑՈՒԹՅԱՆ ԱԶԳԱՅԻՆ ԿԵՆՏՐՈՆ

«իԳործ» հավաստագրերի հանձնման արարողությունը

2022 թվականի  սեպտեմբերի 2-ին «Նորամուծության և ձեռներեցության ազգային կենտրոն» ՊՈԱԿ-ի (այսուհետ՝ Կազմակերպություն) աշխատակիցները ներկա են գտնվել «իԳործ» 2021 ծրագրի փակման արարողությանը Երևանում կառավարության պաշտոնական ընդունելությունների սրահում:

Ծրագիրը սփյուռքահայ մասնագետներին հրավիրում է աշխատելու Հայաստանի Հանրապետության պետական գերատեսչություններում: Ծրագրի շրջանակներում Լիբանանից Գասսիա Սամուէլյանը և Ռուսաստանից Գագիկ Հարությունյանը միացել ՀՀ կառավարությանը և Կազմակերպությունում աշխատել են մեկ տարի: Նրանք աշխատել են տարբեր նախագծերի շուրջ, ինչպիսիք են Կազմակերպության ռեբրենդինգը, աջակցություն տարբեր ոլորտներից ավելի քան 1000 ձեռնարկությունների Հայաստանում բնակություն հաստատելու և իրենց բիզնեսը գրանցելու համար: Նրանք ստանձնել են EWC ազգային գավաթ 2022, Starmus փառատոն, Youtube Brain Gain ալիք, SCODA Qingdao ցուցահանդեսային կենտրոնի Հայկական տաղավարի և Կազմակերպության 2021-2026 թթ. ռազմավարության և միջոցառումների իրականացումը: Նրանք մասնակցել են տարբեր մենթորության դասերի, սեմինարների, վեբինարների և միջոցառումների Հայաստանի նորարարական և ձեռնարկատիրական էկոհամակարգում։

Արարողությանը ներկա էր ՀՀ սփյուռքի հարցերով գլխավոր հանձնակատար Զարեհ Սինանյանը, Աշխատանքի և սոցիալական հարցերի նախարարի տեղակալ Ռուբեն Սարգսյանը, Կազմակերպության գործադիր տնօրեն Հայկ Մարգարյանը, Բարձր տեխնոլոգիական արդյունաբերության նախարարության գլխավոր քարտուղար Նարեկ Մելքումյանը, Զբոսաշրջության կոմիտեի նախագահ Սիսիան Բոգոսյանը, ՀՀ վարչապետի աշխատակազմի աշխատակազմի ղեկավարի տեղակալ Արթուր Հովսեփյանը և ծրագրի մասնակիցների ընտանիքի անդամները: Պարոն Զարեհ Սինանյանը շնորհակալություն հայտնեց մասնակիցներին՝ իրենց ունեցած ավանդի և անձնվեր աշխատանքի համար: Նա հայտարարել է, որ ծրագրի մասնակիցների գրեթե 70%-ը որոշել է մնալ Հայաստանում՝ լինի դա ծառայություն պետական հատվածում, թե անցում մասնավոր հատված։

Կազմակերպության գործադիր տնօրեն Հայկ Մարգարյանը, ով «իԳործ» 2020 ծրագրի մասնակից է, իր խոսքում նշել է, որ Գասսիա Սամուելյանը կշարունակի աշխատել Կազմակերպությունում որպես հիմնական աշխատող, միևնույն ժամանակ խոսել է նաև երկարաժամկետ ծրագրի կարևորության մասին և նշել Կազմակերպության կողմից իրականացվելիք նոր ծրագրերի մասին, մասնավորապես աշխարհի 400 լավագույն համալսարաններից ներգրավելու բարձր որակավորում ունեցող մասնագետների Կառավարության որոշման մասին: Այս տարի Կազմակերպությունում «իԳործ» 2022 ծրագրի շրջանակներում ԱՄՆ-ից և Ռուսաստանից ժամանել են վեց նոր գործընկերներ:

Ծրագրի մանրամասերին կարող եք ծանոթանալ այստեղ. . http://diaspora.gov.am/en/programs/25/fellowship

Իմացեք ավելին մասնակիցների մասին. http://diaspora.gov.am/en/pages/140

Տարածել այս գրառումը
Share on facebook
Share on telegram
Share on linkedin