Ընդհանուր Տեղեկատվություն
Գիտատեխնիկական գրադարանը դեռևս 1963 թվականին հիմնադրված Հանրապետական գիտատեխնիկական գրադարանի իրավահաջորդն է: 2009 թվականից սկսած գործում է ՀՀ Էկոնոմիկայի նախարարության «Նորամուծության և ձեռներեցության ազգային կենտրոն»-ի վարչական կառուցվածքում: Կենտրոնի մասնաճյուղերի գործունեությունը նպատակաուղղված է Կենտրոնի կողմից մատուցվող ծառայությունների ապակենտրոնացմանը և ընդլայմանը մարզերում` նպաստելով վերջիններիս գիտակրթական և մշակութային միջավայրի համաչափ զարգացմանը, տեղեկատվական ծածկույթի ընդլայնմանը:
ԳԻՏԱՏԵԽՆԻԿԱԿԱՆ ԳՐԱԴԱՐԱՆՆ
ԻՐԱԿԱՆԱՑՆՈՒՄ Է․
- Համապատասխան գրականության ձեռք բերման միջոցով ավանդական գրադարանային-տեղեկատվական ծառայությունների մատուցում, գրականության նպատակային ցուցահանդեսների կազմակերպում, կադրերի վերապատրաստում,
- Գրադարանային ֆոնդերի էլեկտրոնային գրացուցակի ձևավորման, համապատասխան տվյալների բազաների գեներացման միջոցով փաստաթղթերի էլեկտրոնային առաքման ծառայության կազմակերպում (ՓԷԱԾ):
- Նորամուծության և ձեռներեցության լայն շրջանակներին, գիտատեխնիկական հանրությանը և կառավարման օրգաններին օպերատիվ լրատվության ապահովում, տեղեկատվական-խորհրդատվական ծառայությունների մատուցում,
- Վեբ-կայքի գործարկման և սոցիալական ցանցերի միջոցով գրադարանային ծառայությունների մատչելիության ապահովում և հանրայնացում: Համապատասխան միջազգային տվյալների բազաների մուտքի ապահովում։
- 2004 թվականից ի վեր գրադարանը ղեկավարում է կենսաբանական գիտությունների թեկնածու Լևոն Ղարիբյանը։
- Գրադարանի առաքելությունն է՝ նյութերի լայն շրջանակի անվճար և ազատ հասանելիության ապահովումը՝ բոլոր տարիքի և ծագման մարդկանց համար, գիտատեխնիկական և արտոնագրային ռեսուրսների հավաքագրումը, գիտատեխնիկական տեղեկատվական և գրադարանային ծառայությունների մատուցումը։
- ՆՁԱԿ-ի գրադարանն առաջարկում է հյուրընկալ, հարմարավետ և ժամանակակից ուսումնական (կամ կրթական) միջավայր և բաց է ամեն օր առավոտյան 9:00-ից մինչև 17:00: