Արմեն Ղուկասյանը հանդիսանում է Միջազգային առևտրային պալատի Ազգային Կոմիտեի վարչության անդամ (International Chamber of Commerce National Committee Armenia — ICC NCI): Միքայել Խանբեկյանը «Իգործ-2021» ծրագրի փորձագետ է, ներկայումս աշխատում է Հայաստանի Գիտությունների ազգային ակադեմիայի Ֆիզիկական հետազոտությունների ինստիտուտում:
Հանդիպման ընթացքում, ՆՁԱԿ-ի գլխավոր տնօրեն՝ Հայկ Մարգարյանը խոսեց Կենտրոնի գործունեության, վերջինիս նպատակների և հիմնական նախագծերի մասին, իսկ Կենտրոնի փորձագետ և «Իգործ-2022» ծրագրի մասնակից՝ Միհրեան Արոյանը ներկայացրեց Տեխնոլոգիաների փոխանցման Գրասենյակի գործունեությունը և վերջինիս զարգացմանն ուղղված գործողությունների պլանը՝ նախատեսված 2023 թ. համար:
Հանդիպման մասնակիցների կողմից հիշատակվեց այն իրողությունը, որ հետսովետական շրջանի երկրներում, գործնականում, խզված է կապը տնտեսության իրական սեկտորի և գիտության միջև: Դրա հետ մեկտեղ, նշվեց, որ Հայաստանն այսօր ի զորու է՝ բավարարելու տեխնոլոգիական նորամուծությունների նկատմամբ տնտեսության իրական սեկտորում առկա պահանջարկը:
Հանդիպման մասնակիցները ձեռք բերեցին պայմանավորվածություն ՝ համատեղ ջանքերով ձևավորելու Հայաստանի խոշոր ձեռնարկությունների կողմից ներկայացված, նորամուծությունների հայտերի տվյալների բազա, որի նպատակն է լինելու գիտության և տնտեսության իրական սեկտորի միջև արդյունավետ փոխգործակցության համար նպաստավոր պայմանների ստեղծումը: